Përfaqësues të Këshillit të Qarkut Berat janë takuar individualisht dhe në grupe të vogla me një tërësi aktorësh dhe palësh të interesuara të projektit MED Greenhouses dhe i kanë informuar ata lidhur me objektivat e projektit, aktivitetet kryesore të tij, si dhe pikat me interes të përbashkët.

Qëllimi i këtyre aktiviteteve informuese, të cilat u zhvilluan në Qershor dhe Korrik 2018, është që të forcojë bashkëpunimin dhe nxisë interesin e aktorëve si Ministria e Turizmit dhe Mjedisit, Ministria e Bujqësisë dhe Zhvillimit Rural, agjensi kombëtare, rajonale dhe lokale në sektorin e agrikulturës, e serrave bujqësore, si dhe institute të kërkimit shkencore apo akademike, bashkitë e qarkut si dhe organizata në fushën e agro-turizmit, së bashku me fermerë të serrave bujqësore.

Diskutimet u fokusuan në promovimin e projektit dhe aktiviteteve të shumta të tij, si dhe përfitimeve që ky projekt sjell për palët e interesuara, me qëllim krijimin dhe forcimin e një rrjeti të përbashkët që mundëson bashkëpunimin e partnerëve. Aktorët dhe palët e interesuara u prezantuan me mjetet kryesore që projekti do të përdorë për shpërndarjen e njohurive. Pikat e tyre të interesit përfshinin: akses në mjete financiare për të zhvilluar edhe më tej sektorin e agrikulturës, si dhe rekomandime për politikat dhe kornizat rregullatore që lehtësojnë punën e përditshme të fermerëve.

Lajmin e plotë, në website zyrtar të projektit e gjeni këtu